ගම් සභාවක් ලෙස දියුණු වූ තිස්සමහාරාම ප්‍රදේශය 1960/11/18 දින අංක 12230 ගැසට් නිවේදනයේ කොට්ඨාශ (07) යුත් සුළු නගර සභාවක් ලෙස 1961.07.01 දින සිට සංස්ථාපනය විය. එහි නිල කාලය අවසානයේදී 1964/01/01 දින සිට දෙවන නිල කාලය ඇරඹුණු අතර, එම්.එම් මෛත්‍රීපාල මහතා සභාපති වශයෙන් පත්විය. 1987 අංක 15 දරණ ප්‍රාදේශීය සභා පනත අනුව 1988/01/01 දින සිට එතෙක් පැවති ගම් සභාව ප්‍රාදේශීය සභාවක් ලෙස නම් කරනු ලැබූ අතර, එම බල ප්‍රදේශය ග්‍රාම නිලධාරී වසම් 44 කින් යුතු විය.

මහජන ජන්දයෙන් පත් වූ ප්‍රථම ප්‍රාදේශීය සභාවේ සභාපතිවරයා වූයේ ශ්‍රී ලංකා නිදහස් පක්ෂය නියෝජනය කළ ඇන්.ටී. දයානන්ද මහතාය. 1991/05/11 දින පැවති මැතිවරණයෙන් නිල බලය ලබා ගත් එම මන්ත්‍රී මණ්ඩලය 12 ක් විය.

 
එම සභාවේ නිල කාලය අවසන් වූ පසු 1997/03/07 දින පැවති ප්‍රාදේශීය සභා මැතිවරණය අනුව පොදු ජන එක්සත් පෙරමුණ නියෝජනය කරමින් බුද්ධදාස ජයසූරිය මහතා සභාපති ධූරයට පත් විය.

ප්‍රාදේශීය සභා මන්ත්‍රී ඒ. පී. සමරසූරිය මහතා, ඒ. ජී. චන්ද්‍රෙස්න මහතා ඉල්ලා අසි වෙන ලදී. ඩබ්. පී. අමරපාල මහතා, ආර්. ඩී. සිරිසේන මහතා එම පුරප්පාඩු වූ මන්ත්‍රී තනතුරුවලට පත් වෙන ලදී.
2002/03/20 දින පැවති ප්‍රාදේශීය සභා මැතිවරණය අනුව ගරු සභාපති එච්. එල්. ජයසිරි මහතා ඇතුළු සභාව ජනතා විමුක්ති පෙරමුණ නියෝජනය කරමින් මහජන ජන්දයෙන් තේරී පත්විය. 2002/04/15 දින සිට ක්‍රියාත්මක වූ මෙම සභාවේ සංයුතිය පහත සඳහන් පරිදි වේ.

2006/03/20 දින පැවති ප්‍රාදේශීය සභා මැතිවරණය අනුව ගරු සභාපති එච්. එල්. ජයසිරි මහතා ඇතුළු සභාව ජනතා විමුක්ති පෙරමුණ නියෝජනය කරමින් මහජන ජන්දයෙන් තේරී පත් විය. 2006/04/15 දින සිට ක්‍රියාත්මක වූ මෙම සභාවේ සංයුතිය පහත සඳහන් පරිදි වේ.

2011/03/17 දින පැවති ප්‍රාදේශීය සභා මැතිවරණය අනුව ගරු සභාපති හර්ෂ උදය කුමාර ජයවීර මහතා ඇතුළු සභාව එක්සත් ජනතා නිදහස් සන්ධානය නියෝජනය කරමින් මහජන ජන්දයෙන් තේරී පත් විය. 2015/05/15 දින දක්වා වූ සභාවේ සංයුතිය පහත සඳහන් පරිදි වේ.

ප්‍රාදේශීය සභා මන්ත්‍රී කේ. රූපසිංහ මහතාගේ පක්ෂ සාමාජිකත්වය අහෝසි වීම නිසා 2013/07/30 දින සිට ආර්. රජිත ප්‍රියදර්ශන මහතා එම පුරප්පාඩු වූ මන්ත්‍රී ධූරය සඳහා පත් කරන ලදී.
2011/04/10 දින සිට ක්‍රියාත්මක වූ මෙම සභාව 2015 මාර්තු මස 27 වන දින පළ කරන ලද ශ්‍රී ලංකා ප්‍රජාතාන්ත්‍රික සමාජවාදී ජන රජයේ අති විශේෂ ගැසට් පත්‍රය ප්‍රකාරව 2015 මැයි මස 15 වැනි දින විසුරුවා හරින ලදී.